ਮੰਡੀ ਗੋਬਿੰਦਗੜ੍ਹ ਫਰਵਰੀ 18 (ਜਗਜੀਤ ਸਿੰਘ)
ਦੇਸ਼ ਲਈ ਲੜਨ ਵਾਲੇ ਅਣਗਿਣਤ ਨਾਇਕਾਂ ਦੀ ਸ਼ਾਨ ਨੂੰ ਯਾਦ ਕਰਨ ਦੇ ਨਾਲ-ਨਾਲ ਵੋਟਰਾਂ ਅਤੇ ਬਾਲੜੀਆਂ ਦੇ ਅਧਿਕਾਰਾਂ ਦੀ ਮਹੱਤਤਾ ਨੂੰ ਸਮਝਣ ਲਈ ਰਿਮਟ ਸਕੂਲ ਆਫ਼ ਲੀਗਲ ਸਟੱਡੀਜ਼ ਮੰਡੀ ਗੋਬਿੰਦਗੜ੍ਹ ਵਲੋਂ ਜ਼ਿਲ੍ਹਾ ਕਾਨੂੰਨੀ ਸੇਵਾ ਅਥਾਰਟੀ ਦੇ ਸਹਿਯੋਗ ਨਾਲ ਪੋਸਟਰ/ਸਲੋਗਨ ਰਾਈਟਿੰਗ ਮੁਕਾਬਲਾ ਕਰਵਾਇਆ ਗਿਆ ਜੋਂ ਗਣਤੰਤਰ, ਰਾਸ਼ਟਰੀ ਵੋਟਰ ਦਿਵਸ ਅਤੇ ਅੰਤਰਰਾਸ਼ਟਰੀ ਬਾਲਿਕਾ ਦਿਵਸ ਨੂੰ ਸਮਰਪਿਤ ਸੀ। ਵਿਭਾਗ ਮੁੱਖੀ ਡਾ. ਜੋਤੀ ਅੰਗਰੀਸ਼ ਨੇ ਕਿਹਾ ਕਿ ਕਲਾ ਅਤੇ ਸ਼ਬਦਾਂ ਵਿੱਚ ਪ੍ਰੇਰਨਾ ਦੇਣ, ਸੋਚ ਨੂੰ ਹਲੂਣਾ ਦੇਣ ਅਤੇ ਤਬਦੀਲੀ ਲਿਆਉਣ ਦੀ ਸ਼ਕਤੀ ਹੁੰਦੀ ਹੈ। ਆਪਣੇ ਪੋਸਟਰ ਅਤੇ ਨਾਅਰਿਆਂ ਰਾਹੀਂ ਅਸੀ ਨਾ ਸਿਰਫ਼ ਆਪਣੇ ਵਿਚਾਰ ਪ੍ਰਗਟ ਕਰ ਸਕਦੇ ਹਾਂ ਸਗੋਂ ਇਨ੍ਹਾਂ ਦੀ ਮਹਤੱਤਾ ਤੋ ਵੀ ਜਾਣੂ ਕਰਵਾਉਂਦੇ ਹਾਂ। ਹਰੇਕ ਪੋਸਟਰ ਅਤੇ ਨਾਅਰਾ ਇੱਕ ਵਿਲੱਖਣ ਦ੍ਰਿਸ਼ਟੀਕੋਣ ਨੂੰ ਦਰਸਾਉਂਦਾ ਸੀ। ਵਿਦਿਆਰਥੀਆਂ ਦੇ ਯੋਗਦਾਨ ਸਾਨੂੰ ਇਨ੍ਹਾਂ ਦਿਨਾਂ ਦੀ ਮਹੱਤਤਾ ਦੀ ਯਾਦ ਦਿਵਾਉਂਦੇ ਹਨ ਅਤੇ ਇੱਕ ਹੋਰ ਨਿਆਂਪੂਰਨ ਅਤੇ ਬਰਾਬਰੀ ਵਾਲੇ ਸਮਾਜ ਦੀ ਉਸਾਰੀ ਲਈ ਸਾਰਥਕ ਕਦਮ ਚੁੱਕਣ ਲਈ ਪ੍ਰੇਰਿਤ ਕਰਦੇ ਹਨ। ਵਿਭਾਗ ਦੇ ਮੁਖੀ ਹੋਣ ਦੇ ਨਾਤੇ ਉਨ੍ਹਾਂ ਭਾਗੀਦਾਰਾਂ ਨੂੰ ਉਨ੍ਹਾਂ ਦੇ ਸਮਰਪਣ ਅਤੇ ਸਖ਼ਤ ਮਿਹਨਤ ਲਈ ਵਧਾਈ ਦਿਤੀ।ਇਵੈਟ ਕੋਆਰਡੀਨੇਟਰ ਡਾ.ਮੋਹਲੀਨ ਕੌਰ ਨੇ ਸਲੋਗਨ/ਪੋਸਟਰ ਮੇਕਿੰਗ ਮੁਕਾਬਲੇ ਦੇ ਸਮੇਂ ਵਿਦਿਆਰਥੀਆਂ ਦੇ ਸਿਰਜਣਾਤਮਕ ਹੁਨਰ ਨੂੰ ਵਧਾਉਣ ਅਤੇ ਦਿਖਾਉਣ ਦਾ ਯਤਨ ਕੀਤਾ। ਮੁਕਾਬਲੇ ਵਿੱਚ ਵਕਾਲਤ ਦੇ 6ਵੇਂ ਸਮੈਸਟਰ ਵਿੱਚੋਂ ਹਸਰਤ ਲੋਚਮ ਨੇ ਪਹਿਲਾ, ਚੌਥੇ ਸਮੈਸਟਰ ਦੇ ਅਮਨਜੋਤ ਨੇ ਦੂਜਾ ਅਤੇ ਅੱਠਵੀ ਸਮੈਸਟਰ ਦੀ ਈਸ਼ਾ ਧੀਰ ਨੇ ਤੀਜਾ ਸਥਾਨ ਹਾਸਲ ਕੀਤਾ। ਸਮਾਗਮ ਨੂੰ ਸਫਲ ਬਣਾਉਣ ਲਈ ਜੱਜ ਅਮਿਤ ਮੋਹਨ ਅਤੇ ਅੰਜਲੀ ਆਦਿ ਨੇ ਅਹਿਮ ਭੁਮਿਕਾ ਨਿਭਾਈ।
ਫੋਟੋ ਕੈਪਸ਼ਨ: ਡਾ. ਜੋਤੀ ਅੰਗਰੀਸ਼ ਅਤੇ ਹੋਰ ਵਿਦਿਆਰਥੀਆਂ ਨੂੰ ਜਾਣਕਾਰੀ ਦਿੰਦੇ ਹੋਏ।
About the Author
