*ડાંગ જિલ્લાના સુબીર તાલુકાના ખાજુર્ણાં ગામમાં ક્લસ્ટર બેઝ પ્રાકૃતિક કૃષિની તાલીમ યોજાઈ :*
–
ઝાકિર ઝંકાર : આહવા: તા: ૨૩
ડાંગ જિલ્લામાં તારીખ ૨૨ ડિસેમ્બરના રોજ સુબીર તાલુકાના ખાંબલા ક્લસ્ટરમાં સમાવિષ્ટ ખાજુર્ણાં ગામમાં ખેડુત માસ્ટર તેમજ કૃષિ સખી દ્વારા ક્લસ્ટર બેઝ પ્રાકૃતિક તાલીમનું આયોજન કરવામાં આવ્યું હતું.
આ તાલીમમાં ખેડૂતોને પ્રાકૃતિક કૃષિ અને એના પાંચ આયામો વિશે માહિતી આપવામાં આવી હતી. તેમજ રવિ પાકોમાં પ્રાકૃતિક કૃષિના મહત્વ અને સુક્ષ્મ પિયત પદ્ધતિ સંબંધિત માહિતી પણ આપવામાં આવી હતી.
કૃષિ તાલીમ દરમિયાન ખેડૂતોને રાસાયણિક ખાતર અને દવાઓના વધતાં ખર્ચ માંથી રાહત મળવા અંગે જાણકારી આપવામાં આવી હતી. સાથે સાથે જમીનની ઉત્પાદન શક્તિ જાળવી રાખવા, પાણીના સંરક્ષણ માં પ્રાકૃતિક પદ્ધતિની ભૂમિકા તથા ખેડૂત પરિવારના આરોગ્ય માટે રસાયણ મુક્ત ખેતીની આવશ્યકતા વિષયક માહિતી પણ આપવામાં આવી હતી.
–
About the Author
