*વલસાડ-ડાંગના સાંસદ સભ્ય શ્રી ધવલભાઈ પટેલ તેમજ ડાંગના ધારાસભ્ય શ્રી વિજયભાઈ પટેલના અધ્યક્ષ સ્થાને સાપુતારા કે.જી.બી.વીના નવીન બાંધકામનું ખાતમુહર્તનો કાર્યક્રમ યોજાયો :*
–
*આહવા તાલુકાની સાપુતારા પ્રાથમિક શાળામાં આશરે ૧૩ કરોડ ના ખર્ચે તૈયાર થનાર કે.જી. બી. વી સાપુતારા નવીન બાંધકામનું ખાતમુહર્ત કરાયું :*
–
ઝાકિર ઝંકાર : આહવા: તા: ૧:
સમગ્ર શિક્ષા ડાંગ અંતર્ગત આજરોજ વલસાડ-ડાંગના સાંસદ સભ્ય શ્રી ધવલભાઈ પટેલ તેમજ ડાંગના ધારાસભ્ય શ્રી વિજયભાઈ પટેલના અધ્યક્ષ સ્થાને આહવા તાલુકાની સાપુતારા પ્રાથમિક શાળામાં આશરે ૧૩ કરોડના ખર્ચે કે.જી.બી.વી સાપુતારા નવીન બાંધકામનું ખાતમુહર્તનો કાર્યક્રમ યોજાયો હતો.
૨૦૨૬ વર્ષના વિકાસકીય કામોનું શુભારંભ ડાંગ જિલ્લાથી કરવાની નેમ વ્યક્ત કરી આજે ડાંગ જિલ્લાના સાપુતારા ખાતે કે.જી.વી.બી શાળાના મકાન બાંધકામનું ખાતમુહર્ત કર્યું છે તેમ વલસાડ-ડાંગના સાંસદ સભ્ય શ્રી ધવલભાઈ પટેલે આ પ્રસંગે જણાવ્યું હતું.
દીકરીઓ ઉચ્ચ શિક્ષણ મેળવે તે માટે દેશના વડા પ્રધાન હંમેશા ચિંતા કરી દીકરીઓ માટે કન્યા કેળવણી અને શાળા પ્રવેશની શરૂઆત કરી હતી. અંબાજી થી ઉંમરગામ સુધી લાખો આદિવાસી બાળકોની શિક્ષા માટે સરકાર ચિંતિત છે. વડા પ્રધાન શ્રી નરેદ્રભાઈ મોદીએ પોતાના મુખ્યમંત્રી કાર્યકાળ દરમિયાન આદિવાસી વિસ્તારમાં સાયન્સ કોલેજો શરૂ કરવામાં આવી હતી. તેમજ ૨૪ કલાક વીજળી માટે ગુજરાતમાં સૌ પ્રથમ ડાંગ જિલ્લામાંથી જ્યોતિ ગ્રામ યોજનાની શરૂઆત કરી હતી.
કે.જી.બી.વી એટલે અનાથ બાળકીઓ માટે વિનામૂલ્યે અભ્યાસ કરવા માટેની સુવિધા, અનાથ બાળકીઓ માટે સરકારના આ કાર્ય માટે ભૂમિ પૂજન કરતા હું મારી જાતને ભાગ્યશાળી સમજુ છું તેમ જણાવી શ્રી ધવલભાઈ પટેલે ઉપસ્થિત તમામ દીકરીઓને ભણતરના સમયનો સદુપયોગ કરવા, ભણતર સાથે સ્કિલ પણ વિકસાવવા સૂચન કર્યું હતું.
ડાંગના વિદ્યાર્થીઓને શિક્ષણમાં તમામ પ્રકારની સુવિધાઓ યુક્ત શિક્ષણ મળી રહે તે માટે રાજ્ય સરકાર કટીબધ છે. સાથે જ કે.જી.બી.વીમાં ભણતી અનાથ દીકરીઓને ઉચ્ચ શિક્ષણ મળી રહે તે માટે સાપુતારામાં અધ્યતન સુવિધાઓ યુક્ત બિલ્ડીંગ બનશે તેમ ગુજરાત વિધાનસભા નાયબ દંડક શ્રી વ ડાંગના ધારાસભ્ય શ્રી વિજયભાઈ પટેલે આ પ્રસંગે જણાવ્યું હતું.
આ પ્રસંગે ડાંગ જિલ્લા પંચાયત પ્રમુખ શ્રીમતી નિર્મળાબેન ગાઇન, શિક્ષણ સમિતિ અધ્યક્ષા શ્રીમતી બીબીબેન ચૌધરી, ગુજરાત પ્રદેશ આદિજાતિ મોરચા મંત્રીશ્રી સુભાષભાઈ ગાઇન, ભાજપા પાર્ટી પ્રમુખ શ્રી કિશોરભાઈ ગાવિત, આહવા તાલુકા વિકાસ અધિકારી શ્રી સુહાસ ગંવાદે, પ્રાથમિક શિક્ષણ અધિકારી શ્રી વિજયભાઈ દેશમુખ સહિત કે.જી.વી.બીના વિદ્યાર્થીઓ, શિક્ષકો તેમજ સ્થાનિક આગેવાનો ઉપસ્થિત રહ્યાં હતાં.
–
About the Author
