ਗਊ ਸੇਵਾ ਸਮਿਤੀ ਨੇ ਗਊ ਪੂਜਾ ਕਰਕੇ ਮਨਾਇਆ ਪੂਰਨਮਾਸੀ ਦਾ ਦਿਹਾੜਾ
ਅਮਲੋਹ( ਅਜੇ ਕੁਮਾਰ)
ਗਊ ਸੇਵਾ ਸਮਿਤੀ ਅਮਲੋਹ ਵਲੋਂ ਪੂਰਨਮਾਸ਼ੀ ਦਾ ਦਿਹਾੜਾ ਸ੍ਰੀ ਸੰਗਮੇਸ਼ਵਰ ਗਊਸ਼ਾਲਾ ਅਮਲੋਹ ਵਿਚ ਪ੍ਰਧਾਨ ਭੂਸ਼ਨ ਸੂਦ ਅਤੇ ਸਰਪਰਸਤ ਪ੍ਰੇਮ ਚੰਦ ਸਰਮਾ ਦੀ ਅਗਵਾਈ ਹੇਠ ਗਊ ਪੂਜਾ ਕਰਕੇ ਮਨਾਇਆ ਗਿਆ। ਇਸ ਮੌਕੇ ਸ਼ਹਿਰ ਦੇ ਵੱਡੀ ਗਿਣਤੀ ਵਿਚ ਪਤਵੰਤਿਆਂ ਨੇ ਸਿਰਕਤ ਕੀਤੀ। ਪੂਜਾ ਦੀ ਰਸਮ ਸਮਿਤੀ ਦੇ ਪ੍ਰਧਾਨ ਭੂਸ਼ਨ ਸੂਦ, ਉਨ੍ਹਾਂ ਦੀ ਪਤਨੀ ਮੰਜੂ ਸੂਦ ਅਤੇ ਬੇਟੀ ਗਿੰਨੀ ਸੂਦ ਨੇ ਕਰਵਾਈ ਜਦੋ ਕਿ ਮੰਤਰਾਂ ਦਾ ਉਚਾਰਣ ਮੰਦਰ ਦੇ ਮੁਖ ਪੁਜਾਰੀ ਪੰਡਤ ਰੋਸਨ ਲਾਲ ਨੇ ਕੀਤਾ। ਉਨ੍ਹਾਂ ਪੂਰਨਮਾਸ਼ੀ ਅਤੇ ਮੱਸਿਆ ਦੇ ਦਿਹਾੜੇ ਉਪਰ ਗਊ ਪੂਜਾ ਕਰਵਾਉਂਣ ਦੀ ਮਹੱਤਤਾ ਬਾਰੇ ਵੀ ਦਸਿਆ ਅਤੇ ਸਮਿਤੀ ਵਲੋਂ ਨਗਰ ਖੇੜੇ ਦੀ ਖੁਸ਼ੀ ਲਈ ਹਰ ਪੂਰਨਮਾਸ਼ੀ ਅਤੇ ਮੱਸਿਆ ਨੂੰ ਕਰਵਾਈ ਜਾਦੀ ਇਸ ਪੂਜਾ ਦੀ ਸਲਾਘਾ ਕਰਦਿਆ ਸ਼ਹਿਰ ਨਿਵਾਸੀਆਂ ਨੂੰ ਵੱਧ ਚੜ੍ਹ ਕੇ ਇਸ ਵਿਚ ਹਿਸਾ ਲੈਣ ਦੀ ਅਪੀਲ ਕੀਤੀ। ਉਨ੍ਹਾਂ ਕਿਹਾ ਕਿ ਧਾਰਮਿਕ ਗ੍ਰੰਥਾਂ ਮੁਤਾਬਕ ਗਊ ਮਾਤਾ ਵਿਚ ਸਾਰੇ ਦੇਵੀ ਦੇਵਤਿਆਂ ਦਾ ਵਾਸ ਹੈ ਇਸ ਲਈ ਗਊ ਸੇਵਾ ਨੂੰ ਸਭ ਤੋਂ ਉਤਮ ਸੇਵਾ ਮੰਨਿਆ ਗਿਆ ਹੈ। ਬਾਅਦ ਵਿਚ ਖੀਰ, ਸਮੌਸੇ ਅਤੇ ਫ਼ਲਾਂ ਦਾ ਲੰਗਰ ਵਰਤਾਇਆ ਗਿਆ। ਇਸ ਮੌਕੇ ਕੌਂਸਲਰ ਪੂਨਮ ਜਿੰਦਲ, ਗਊ ਸਾਲਾ ਦੇ ਪ੍ਰਧਾਨ ਸਿਵ ਕੁਮਾਰ ਗਰਗ, ਮੁੱਖ ਸੇਵਾਦਾਰ ਅਸ਼ੋਕ ਗੁਪਤਾ ਮੁਕਤਸਰ ਵਾਲੇ, ਮਾਨਵ ਭਲਾਈ ਮੰਚ ਦੇ ਪ੍ਰਧਾਨ ਮਾਸਟਰ ਮਨੋਹਰ ਲਾਲ ਵਰਮਾ, ਰਮੇਸਵਰ ਮਹਾਂਦੇਵ ਮੰਦਰ ਦੇ ਪ੍ਰਧਾਨ ਦਿਨੇਸ ਗੋਇਲ, ਸਮਿਤੀ ਦੇ ਸੀਨੀਅਰ ਮੀਤ ਪ੍ਰਧਾਨ ਸੰਜੀਵ ਧੀਰ, ਸੰਯੁਕਤ ਸਕੱਤਰ ਸੁੰਦਰ ਲਾਲ ਝੱਟਾ, ਕਾਂਗਰਸ ਆਗੂ ਪੰਮੀ ਜਿੰਦਲ, ਸਮਾਜ ਸੇਵੀ ਵਿਕੀ ਅਰੋੜਾ, ਸਵਰਨਜੀਤ ਸਿੰਘ, ਸਮੀ ਸਿੰਘ, ਮੇਜਰ ਸਿੰਘ, ਤਮੰਨਾ ਗੋਇਲ, ਏਕਮ ਸਿੰਘ ਅਭੀ, ਅਸ਼ੋਕ ਕੁਮਾਰ ਧੱਮੀ, ਮਾਸਟਰ ਸਿਵ ਸੰਕਰ ਸਰਮਾ, ਬੱਬੂ ਰਾਣਾ, ਭੂਸ਼ਨ ਗਰਗ, ਜਗਦੀਪ ਸਿੰਘ ਅਤੇ ਚਮਨ ਲਾਲ ਆਦਿ ਮੌਜੂਦ ਸਨ। ਇਸ ਮੌਕੇ ਸੂਦ ਪ੍ਰੀਵਾਰ ਵਲੋਂ ਗਊ ਮਾਤਾ ਲਈ ਖੱਲ ਫੀਡ ਵੀ ਦਿਤੀ ਗਈ। ਸਮਿਤੀ ਦੇ ਪ੍ਰਧਾਨ ਭੂਸ਼ਨ ਸੂਦ, ਸਰਪਰਸਤ ਪ੍ਰੇਮ ਚੰਦ ਸ਼ਰਮਾ ਅਤੇ ਗਊਸ਼ਾਲਾ ਦੇ ਪ੍ਰਧਾਨ ਸਿਵ ਕੁਮਾਰ ਗਰਗ ਨੇ ਸ਼ਹਿਰ ਅਤੇ ਇਲਾਕਾ ਨਿਵਾਸੀਆਂ ਨੂੰ ਅਪੀਲ ਕੀਤੀ ਕਿ ਉਹ ਹਰ ਮਹੀਨੇ ਪੂਰਨਮਾਸੀ ਅਤੇ ਮੱਸਿਆ ਦੀ ਪੂਜਾ ਵਿਚ ਸਾਮਲ ਹੋਣ। ਉਨ੍ਹਾਂ ਕਿਹਾ ਕਿ ਕੋਈ ਵੀ ਵਿਅਕਤੀ ਆਪਣੇ ਪ੍ਰੀਵਾਰ ਵਲੋਂ ਇਹ ਪੂਜਾ ਕਰਵਾ ਸਕਦਾ ਹੈ।
ਫੋਟੋ ਕੈਪਸਨ: ਗਊ ਪੂਜਾ ਕਰਵਾਉਂਦੇ ਹੋਏ ਸਮਿਤੀ ਪ੍ਰਧਾਨ ਭੂਸ਼ਨ ਸੂਦ ਅਤੇ ਹੋਰ।
About the Author
