ਐਮਰਜੈਸੀ ਦੇ ਪੀੜਤਾਂ ਦੇ ਸਨਮਾਨ ‘ਚ ਸਮਾਜ ਸੇਵੀ ਡਾ. ਰਘਵੀਰ ਸੁਕਲਾ ਦੀ ਸੇਵਾ ਸਲਾਘਾਯੋਗ-ਐਡਵੋਕੇਟ ਸੁੱਖੀ
ਅਮਲੋਹ(ਅਜੇ ਕੁਮਾਰ)
ਉਘੇ ਸਮਾਜ ਸੇਵੀ ਡਾ. ਰਘਵੀਰ ਸ਼ੁਕਲਾ ਦੇ ਨਾਭਾ ਰੋਡ ਸਥਿੱਤ ਸੁਕਲਾ ਹਸਪਤਾਲ ਅਮਲੋਹ ਵਿਚ 1975 ਵਿਚ ਲੱਗੀ ਐਮਰਜੈਸੀ ਦੇ ਪੀੜਤਾਂ ਨੂੰ ਉਸ ਸਮੇਂ ਤੋਂ ਉਤਮ ਸਿਹਤ ਸੇਵਾਵਾਂ ਪ੍ਰਦਾਨ ਕਰਨ ਲਈ ਵੱਖ-ਵੱਖ ਧਾਰਮਿਕ, ਸਮਾਜਿਕ, ਸੰਤ ਸਮਾਜ, ਕਿਸਾਨ ਜਥੇਬੰਦੀਆਂ, ਵੱਖ-ਵੱਖ ਧਰਮਾਂ ਦੇ ਕਾਰਕੁੰਨਾਂ ਅਤੇ ਸਿਆਸੀ ਪਾਰਟੀਆਂ ਦੇ ਕਾਰਕੁੰਨਾਂ ਨੇ ਉਨ੍ਹਾਂ ਦੀਆਂ ਸੇਵਾਵਾਂ ਨੂੰ ਮੁੱਖ ਰਖਦੇ ਹੋਏ ਇਕ ਸਮਾਗਮ ਦੌਰਾਨ ਵਿਸੇਸ ਸਨਮਾਨ ਕੀਤਾ ਅਤੇ ਆਸ ਕੀਤੀ ਕਿ ਉਹ ਮਨੂੱਖਤਾ ਨੂੰ ਸਮਰਪਿਤ ਇਹ ਸਮਾਜ ਸੇਵਾ ਦਾ ਕਾਰਜ ਭਵਿਖ ਵਿਚ ਵੀ ਜਾਰੀ ਰਖਣਗੇ। ਇਸ ਮੌਕੇ ਭਾਜਪਾ ਦੀ ਯੁਵਾ ਕਾਰਜਕਾਰਨੀ ਦੇ ਕੌਮੀ ਮੈਬਰ ਐਡਵੋਕੇਟ ਸੁਖਵਿੰਦਰ ਸਿੰਘ ਸੁੱਖੀ ਸਮੇਤ ਬੁਲਾਰਿਆਂ ਨੇ ਕਿਹਾ ਕਿ ਐਮਰਜੈਸੀ ਦੀਆਂ ਯਾਦਾਂ ਨੂੰ ਸਮਰਪਿਤ ਇਹ ਪਵਿਤਰ ਸਥਾਨ ਅੱਜ ਵੀ ਦੇਸ ਵਿਦੇਸ਼ ਦੇ ਲੋਕਾਂ ਲਈ ਮੁਫ਼ਤ ਸੇਵਾ ਦਾ ਕੇਦਰ ਬਣਿਆ ਹੋਇਆ ਹੈ। ਐਮਰਜੈਸੀ ਦੌਰਾਨ ਜਦੋਂ ਸਾਰੇ ਪਾਸੇ ਹਾਹਾਕਾਰ ਸੀ ਤਾਂ ਪੀੜਤ, ਉਨ੍ਹਾਂ ਦੇ ਪ੍ਰੀਵਾਰਾਂ ਅਤੇ ਆਮ ਲੋਕਾਂ ਲਈ ਇਹ ਕੇਦਰ ਸਾਹਮਣੇ ਆਇਆ ਜਿਸ ਨੇ ਮਨੁੱਖਤਾ ਦੀ ਮਿਸਾਲ ਕਾਇਮ ਕੀਤੀ। ਉਸ ਸਮੇਂ ਮੈਡੀਕਲ ਸਹੂਲਤਾਂ ਦੀ ਭਾਰੀ ਘਾਟ ਸੀ ਤਾਂ ਇਹ ਸਥਾਨ ਪੀੜਤਾਂ ਲਈ ਹੌਸਲੇ, ਉਮੀਦ ਅਤੇ ਅਣਥੱਕ ਸੇਵਾ ਦਾ ਮੁੱਖ ਕੇਦਰ ਬਣਿਆ, ਜਿਸ ਦਾ ਫ਼ਤਹਿਗੜ੍ਹ ਸਾਹਿਬ ਅਤੇ ਪਟਿਆਲਾ ਜ਼ਿਲ੍ਹੇ ਹੀ ਨਹੀਂ ਸਗੋਂ ਗੁਆਢੀ ਜਿਲਿਆਂ ਨੇ ਵੀ ਲਾਭ ਲਿਆ। ਇਸ ਪਰਪਉਪਕਾਰੀ ਸੇਵਾ ਸਥਾਨ ਪ੍ਰਤੀ ਆਮ ਲੋਕਾਂ ਦੀ ਸਰਧਾ ਅਤੇ ਸਤਿਕਾਰ ਨੂੰ ਸਬਦਾਂ ਵਿਚ ਬਿਆਨ ਨਹੀਂ ਕੀਤਾ ਜਾ ਸਕਦਾ। ਉਨ੍ਹਾਂ ਕਿਹਾ ਕਿ ਜੇਕਰ ਇਸ ਸਿਹਤ ਸੇਵਾ ਕੇਦਰ ਨੂੰ ਐਮਰਜੈਸੀ ਦੀ ਯਾਦ ਦਾ ਨਾਮ ਦਿਤਾ ਜਾਵੇ ਤਾਂ ਇਸ ਵਿਚ ਕੋਈ ਅਣਕਥਿਨੀ ਨਹੀਂ ਹੋਵੇਗੀ। ਐਮਰਜੈਸੀ ਦਾ ਵਿਰੋਧ ਅਤੇ ਉਚ ਸਿਖਿਆ ਦਾ ਤਿਆਗ ਇਸ ਮਹਾਨ ਕਾਰਜ ਦੇ ਪਿਛੇ ਡਾ. ਰਘਵੀਰ ਸੁਕਲਾ ਦੀ ਮਹਾਨ ਕੁਰਬਾਨੀ ਹੈ। ਐਮਰਜੈਸੀ ਦੇ ਵਿਰੋਧ ਵਿਚ ਉਨ੍ਹਾਂ ਸ੍ਰੀ ਕ੍ਰਿਸ਼ਨਾ ਆਯੁਰਵੈਦਿਕ ਕਾਲਜ ਤੋਂ ਆਯੁਰਵੈਦਿਕ ਦੀ ਆਪਣੀ ਉਚੇਰੀ ਸਿਖਿਆ ਨੂੰ ਵੀ ਵਿਚਕਾਰ ਹੀ ਛੱਡ ਕੇ ਆਪਣੀ ਡਿਗਰੀ ਨਾਲੋ ਜੇਲ੍ਹਾਂ ਵਿਚੋ ਬੰਦ ਸੰਘਰਸੀਆਂ ਅਤੇ ਉਨ੍ਹਾਂ ਦੇ ਪ੍ਰੀਵਾਰਾਂ ਨੂੰ ਮੁਫ਼ਤ ਸਹਾਇਤਾ ਦਿਤੀ ਅਤੇ ਮੁਫ਼ਤ ਕੈਪਾਂ ਦੀ ਸੁਰੂਆਤ ਕੀਤੀ ਜੋਂ ਅੱਜ ਵੀ ਜਾਰੀ ਹੈ। ਉਨ੍ਹਾਂ ਆਸ ਕੀਤੀ ਕਿ ਡਾ. ਸੁਕਲਾ ਨੇ ਆਪਣੀ ਸਾਰੀ ਜਿੰਦਗੀ ਲੋਕ ਸੇਵਾ ਨੂੰ ਸਮਰਪਿਤ ਕੀਤੀ ਅਤੇ ਉਹ ਭਵਿਖ ਵਿਚ ਵੀ ਇਸ ਨੂੰ ਜਾਰੀ ਰਖਣਗੇ। ਇਥੇ ਇਹ ਵਰਨਣਯੋਗ ਹੈ ਕਿ ਇਸ ਸੰਸਥਾ ਤੋਂ ਸੰਤ ਸਮਾਜ ਦੇ ਮੁੱਖੀ ਅਤੇ ਉਘੇ ਸਿੱਖ ਵਿਦਵਾਨ ਸੰਤ ਹਰੀ ਸਿੰਘ ਰੰਧਾਵਾ, ਸੰਤ ਬਾਬਾ ਦਲਵਾਰਾ ਸਿੰਘ ਰੋਹੀਸਰ, ਸੰਤ ਅਮਰਜੀਤ ਸਿੰਘ ਫਰੀਦਪੁਰ, ਸ਼੍ਰੋਮਣੀ ਕਮੇਟੀ ਦੇ ਕਈ ਮੌਜੂਦਾ ਅਤੇ ਸਵਰਗੀ ਮੰਤਰੀ ਦਲੀਪ ਸਿੰਘ ਪਾਂਧੀ, ਕਿਸਾਨ ਜਥੇਬੰਦੀਆਂ ਦੇ ਆਗੂ, ਬੁੱਧੀਜੀਵੀ ਅਤੇ ਪੱਤਰਕਾਰ ਭਾਈਚਾਰਾਂ ਵੀ ਸਿਹਤ ਸੇਵਾਵਾਂ ਦਾ ਲਾਭ ਲੈ ਰਿਹਾ ਹੈ। ਇਨ੍ਹਾਂ ਦੀ ਵਧੀਆ ਕਾਰਗੁਜ਼ਾਰੀ ਸੱਦਕਾ ਹੀ ਅੱਜ ਦੇਸ ਵਿਦੇਸ਼ ਦੇ ਲੋਕ ਇਨ੍ਹਾਂ ਦੀਆਂ ਸੇਵਾਵਾਂ ਦਾ ਲਾਭ ਲੈ ਰਹੇ ਹਨ। ਇਸ ਤਰ੍ਹਾਂ ਵਗੈਰ ਮੱਤਭੇਦ ਦੇ ਚਲ ਰਿਹਾ ਇਹ ਕਾਰਜ ਅੱਜ ਦੇ ਦੌਰ ਵਿਚ ਇਨਸਾਨੀਅਤ ਦੀ ਸੇਵਾ ਵਿਚ ਵੱਡੀ ਮਿਸਾਲ ਹੈ। ਇਸ ਮੌਕੇ ਵੱਖ-ਵੱਖ ਸਖਸੀਅਤਾਂ ਵਲੋਂ ਡਾ. ਸੁਕਲਾ ਦਾ ਵਿਸੇਸ ਸਨਮਾਨ ਵੀ ਕੀਤਾ ਗਿਆ। ਇਸ ਮੌਕੇ ਜ਼ਿਲ੍ਹਾ ਫ਼ਤਹਿਗੜ੍ਹ ਸਾਹਿਬ ਅਤੇ ਪਟਿਆਲਾ ਜ਼ਿਲ੍ਹੇ ਦੀ ਸੰਗਤ ਨੇ ਮੰਗ ਕੀਤੀ ਕਿ ਭਾਜਪਾ ਹਾਈਕਮਾਂਡ ਡਾ. ਰਘਵੀਰ ਸੁਕਲਾ ਵਰਗੀ ਸਾਫ਼ ਸੁਥਰੀ ਸਖਸ਼ੀਅਤ ਨੂੰ ਅਮਲੋਹ ਹਲਕੇ ਤੋਂ ਟਿਕਟ ਦਿਤੀ ਜਾਵੇ। ਉਨ੍ਹਾਂ ਭਰੋਸਾ ਦਿਤਾ ਕਿ ਉਹ ਭਾਰੀ ਗਿਣਤੀ ਵਿਚ ਉਨ੍ਹਾਂ ਨੂੰ ਕਾਮਯਾਬ ਕਰਨਗੇ। ਇਸ ਸਬੰਧੀ ਇਕ ਮੰਗ ਪੱਤਰ ਵੀ ਭਾਜਪਾ ਆਗੂ ਐਡਵੋਕੇਟ ਸੁੱਖੀ ਰਾਹੀ ਪਾਰਟੀ ਹਾਈਕਮਾਂਡ ਨੂੰ ਭੇਜਿਆ ਗਿਆ।
ਫੋਟੋ ਕੈਪਸਨ: ਇਲਾਕੇ ਦੀਆਂ ਸਖਸ਼ੀਅਤਾਂ ਭਾਜਪਾ ਲੀਡਰਸਿਪ ਦੇ ਨਾਮ ਐਡਵੋਕੇਟ ਸੁਖਵਿੰਦਰ ਸਿੰਘ ਸੁੱਖੀ ਨੂੰ ਮੰਗ ਪੱਤਰ ਦਿੰਦੇ ਹੋਏ।
About the Author
