ਉਦੇਪੁਰ, 22 ਨਵੰਬਰ, (ਦੀਪਾ ਬਰਾੜ)
ਉਦੈਪੁਰ ‘ਚ ਟਿੱਪਰ ਨੇ ਕਾਰ ਨੂੰ ਟੱਕਰ ਮਾਰ ਦਿੱਤੀ। ਹਾਦਸੇ ਵਿੱਚ 5 ਨੌਜਵਾਨਾਂ ਦੀ ਮੌਤ ਹੋ ਗਈ। ਮ੍ਰਿਤਕਾਂ ਵਿੱਚ ਹੈੱਡ ਕਾਂਸਟੇਬਲ ਦਾ ਬੇਟਾ ਵੀ ਸ਼ਾਮਲ ਹੈ। ਇਹ ਹਾਦਸਾ ਸੁਖੇਰ ਥਾਣਾ ਖੇਤਰ ਦੇ ਅੰਬੇਰੀ ‘ਚ ਵੀਰਵਾਰ ਰਾਤ ਕਰੀਬ 12 ਵਜੇ ਵਾਪਰਿਆ। ਪੁਲਿਸ ਨੇ ਟਿੱਪਰ ਨੂੰ ਜ਼ਬਤ ਕਰ ਲਿਆ ਹੈ।
ਪੁਲਿਸ ਅਧਿਕਾਰੀ ਹਿਮਾਂਸ਼ੂ ਸਿੰਘ ਰਾਜਾਵਤ ਨੇ ਦੱਸਿਆ ਕਿ ਹਿੰਮਤ ਖਟਿਕ (32) ਵਾਸੀ ਦੇਲਵਾੜਾ ਰਾਜਸਮੰਦ, ਪੰਕਜ ਨਗਰਚੀ (24) ਵਾਸੀ ਬੇਦਲਾ ਉਦੈਪੁਰ, ਗੋਪਾਲ ਨਗਰਚੀ (27) ਵਾਸੀ ਖਰੋਲ ਕਾਲੋਨੀ, ਗੌਰਵ ਜੀਨਗਰ (23) ਵਾਸੀ ਸਿਸਰਮਾ ਅਤੇ ਇੱਕ ਹੋਰ ਕਾਰ ਵਿੱਚ ਸਵਾਰ ਸਨ।ਉਹ ਅੰਬੇਰੀ ਤੋਂ ਗਲਤ ਪਾਸੇ ਡਿੱਬੜੀ ਵੱਲ ਜਾ ਰਹੇ ਸਨ। ਉਦੋਂ ਅਚਾਨਕ ਸਕੋਡਾ ਸ਼ੋਅਰੂਮ ਨੇੜੇ ਇੱਕ ਟਿੱਪਰ ਅੱਗੇ ਆ ਗਿਆ। ਢਲਾਣ ਕਾਰਨ ਟਿੱਪਰ ਦੀ ਰਫ਼ਤਾਰ ਤੇਜ਼ ਸੀ।
