કેબિનેટ મંત્રીશ્રી નરેશભાઈ પટેલએ એકલવ્ય મોડેલ રેડિડેન્સી સ્કૂલ, છાપરવડ ખાતે ઉજવાયેલ વાર્ષિકોત્સવમાં હાજરી આપી વિદ્યાર્થીઓનો ઉત્સાહ વધાર્યો

હસમુખ પ્રજાપતી દાહોદ -18-01-2026

મંત્રીશ્રી સહિત ઉપસ્થિત મહાનુભાવોના વરદ હસ્તે ઉત્કૃષ્ટ દેખાવ કરનાર વિદ્યાર્થીઓનું ઇનામ આપી સન્માન કરાયું. દાહોદ જિલ્લાના સીંગવડ તાલુકામાં આવેલ અંતરિયાળ ગામ એવા છપરવડ મુકામે આવેલ એકલવ્ય મોડેલ રેસીડેન્સી સ્કૂલ ખાતે વાર્ષિકોત્સવ યોજવામાં આવ્યો. જે કેબિનેટ મંત્રીશ્રી નરેશભાઈ પટેલના અધ્યક્ષ સ્થાને યોજાયો હતો. દિપ પ્રાગટ્ય થકી શરૂ થયેલા આ વાર્ષિકોત્સવ પ્રસંગે ઉપસ્થિત સૌ મહાનુભાવોના વરદ હસ્તે એકલવ્ય મોડેલ રેસીડેન્સી સ્કૂલના ઉત્કૃષ્ટ દેખાવ કરનાર વિદ્યાર્થીઓનું પ્રમાણપત્ર, એવોર્ડ અને મોમેન્ટો આપીને સન્માન કરવામાં આવ્યું હતું. આ પ્રસંગે કેબિનેટ મંત્રીશ્રી નરેશભાઈ પટેલ એ પ્રાસંગિક ઉદ્દબોધન આપતાં કહ્યું હતું કે, દાહોદ જિલ્લામાં આદિવાસીઓના બાળકોના અભ્યાસની ચિંતા કરીને સરકારે એકલવ્ય મોડેલ રેસીડેન્સી સ્કૂલ બનાવી છે. જેમાં આદિવાસી દીકરા-દીકરીઓ આર્થિક સ્થિતિ ને માત આપીને પોતાનો અભ્યાસ પૂર્ણ કરી પોતાના સપના સાકાર કરી શકે અને પોતાના પરિવાર સહિત દાહોદ જિલ્લાનું નામ રોશન કરી શકે. તેમણે સૌ વિદ્યાર્થીઓ-વાલીઓને ને સંબોધતા વધુમાં કહ્યું હતું કે, તમારા માટે આ સોનેરી તક છે. એને ઝડપી લેવાનું કામ તમારું છે. અહીં રહેવા, ખાવા, પીવા, યુનિફોર્મ, પુસ્તકો, અધ્યતન સુવિધાઓ સાથે શિક્ષણ આપવામાં આવે છે. વ્યક્તિગત તમામ વિદ્યાર્થીઓનો તમામ પ્રકારનો ખર્ચ સરકાર ઉઠાવી રહી છે તો દરેક વિદ્યાર્થીઓ અભ્યાસમાં વધારે મહેનત કરીને પોતાનું, પરિવાર, દાહોદ, ગુજરાત તેમજ દેશનું નામ રોશન કરે. આ પ્રસંગે કૃષિ અને પશુપાલન મંત્રીશ્રી રમેશભાઈ કટારા, સાંસદ શ્રી જશવંતસિંહ ભાભોર, દાહોદ સહ પ્રભારી મંત્રીશ્રી પી. સી. બરંડા, સંતરામપુર ધારાસભ્ય અને પૂર્વ મંત્રીશ્રી કુબેરભાઈ ડીંડોર, કલેકટરશ્રી યોગેશ નિરગુડે એ પ્રાસંગિક પ્રવચન આપી સૌ વિદ્યાર્થીઓનો ઉત્સાહ વધાર્યો હતો. આ દરમ્યાન જિલ્લા પંચાયત પ્રમુખશ્રી કરણસિંહ ડામોર,ગરબાડા ધારાસભ્યશ્રી મહેન્દ્રભાઇ ભાભોર,દાહોદ ધારાસભ્યશ્રી કનૈયાલાલ કિશોરી, લીમખેડા ધારાસભ્યશ્રી શૈલેષભાઈ ભાભોર, દેવગઢ બારીયા ધારાસભ્યશ્રી બચુભાઈ ખાબડ, પોલીસ અધિક્ષકશ્રી રવિરાજસિંહ જાડેજા, પ્રાયોજના વહીવટદારશ્રી દેવેન્દ્ર મીના, ગાંધીનગરથી આવેલ કાર્યપાલક નિયામકશ્રી જે. કે. જાદવ, ભાજપ પ્રમુખ શ્રી સ્નેહલભાઈ, સહિત અન્ય પદાધિકારીશ્રીઓ-અધિકારીશ્રીઓ ઉપસ્થિત રહ્યા હતા.