ਡਾ. ਗੁਨਜਨ ਮਿਸਰਾ ਹਰ ਐਤਵਾਰ ਸ਼ੁਕਲਾ ਹਸਪਤਾਲ ‘ਤੇ ਮਰੀਜ਼ਾਂ ਦਾ ਕਰਨਗੇ ਚੈਕਅੱਪ
ਅਮਲੋਹ,(ਅਜੇ ਕੁਮਾਰ)
ਉਘੇ ਸਮਾਜ ਸੇਵੀ ਡਾ.ਰਘਬੀਰ ਸ਼ੁਕਲਾ ਵਲੋਂ ਸਮਾਜ ਸੇਵਾ ਦੇ ਕਾਰਜ਼ਾਂ ਨੂੰ ਹੋਰ ਅੱਗੇ ਤੋਰਦੇ ਹੋਏ ਨਾਭਾ ਰੋਡ ਸਥਿੱਤ ਸੁਕਲਾ ਹਸਪਤਾਲ ਅਮਲੋਹ ਵਿਚ ਆਯੂਰਵੈਦਿਕ ਅਧੁਨਿਕ ਸਹੂਲਤਾਂ ਦੇਣ ਲਈ ਆਯੁਰਵੈਦਿਕ ਖੋਜ ਕੇਦਰ ਸਥਾਪਤ ਕੀਤਾ ਹੈ ਜਿਸ ਦੇ ਤਹਿਤ ਹਰ ਐਤਵਾਰ ਸਵੇਰੇ 9 ਵਜੇ ਤੋਂ 12 ਵਜੇ ਤੱਕ ਰਿਸਰਚ ਐਡ ਡਿਵੈਲਪਮੈਟ ਵਿਗਿਆਨੀ ਅਰੋਗਾ ਫ਼ਾਰਮਾ ਪਟਿਆਲਾ ਦੇ ਉਘੇ ਵੈਦ ਡਾ. ਗੁਨਜਨ ਮਿਸਰਾ ਮਰੀਜ਼ਾਂ ਦਾ ਚੈਕਅੱਪ ਕਰਨਗੇ ਅਤੇ ਆਯੂਰਵੈਦ ਵਿਚ ਨਵੀਆਂ ਖੋਜ਼ਾਂ ਸਬੰਧੀ ਡਾ.ਰਘਬੀਰ ਸੁਕਲਾ ਅਤੇ ਉਨ੍ਹਾਂ ਦੀ ਪਤਨੀ ਰਿਟ. ਮੈਡੀਕਲ ਅਫ਼ਸਰ ਡਾ. ਸਸ਼ੀ ਸੁਕਲਾ ਨਾਲ ਵਧ ਰਹੀਆਂ ਬਿਮਾਰੀਆਂ ਰੋਕਥਾਮ ਬਾਰੇ ਖੋਜਾਂ ਕਰਨਗੇ। ਇਸ ਕੜੀ ਅਧੀਨ ਹਸਪਤਾਲ ਵਿਚ ਇਕ ਕੈਪ ਵੀ ਲਗਾਇਆ ਗਿਆ ਜਿਸ ਦੌਰਾਨ ਡਾ. ਰਘਬੀਰ ਸੁਕਲਾ, ਪਤਨੀ ਦੀ ਪਤਨੀ ਡਾ. ਸਸ਼ੀ ਸ਼ੁਕਲਾ ਅਤੇ ਉਘੇ ਵੈਦ ਡਾ. ਗੁਨਜਨ ਮਿਸ਼ਰਾ ਨੇ ਮਰੀਜਾਂ ਦਾ ਚੈਕਅੱਪ ਕੀਤਾ। ਉਨ੍ਹਾਂ ਹਾਜ਼ਰੀਨ ਨੂੰ ਬਿਮਾਰੀਆਂ ਤੋਂ ਬਚਾਅ ਬਾਰੇ ਵੀ ਜਾਣਕਾਰੀ ਦਿੰਦੇ ਹੋਏ ਵੱਧ ਤੋਂ ਵੱਧ ਆਰਗੇਨਿਕ ਚੀਜ਼ਾਂ ਖਾਣ ਦੀ ਸਲਾਹ ਦਿਤੀ। ਉਨ੍ਹਾਂ ਕਿਹਾ ਕਿ ਅੱਜ ਅਸੀ ਸਬਜੀਆਂ, ਫ਼ਲ ਅਤੇ ਕਣਕ ਆਦਿ ਦੀ ਪੈਦਾਵਾਰ ਵਿਚ ਵੱਡੇ ਪੱਧਰ ‘ਤੇ ਕੀਟਨਾਸ਼ਕ ਦਵਾਈਆਂ ਦੀ ਵਰਤੋ ਕਰ ਰਹੇ ਹਾਂ ਜੋਂ ਕਿ ਸਿਹਤ ਲਈ ਬਹੁਤ ਹਾਨੀਕਾਰਕ ਹਨ। ਉਨ੍ਹਾਂ ਲੋਕਾਂ ਨੂੰ ਮੌਸਮੀ ਸਬਜੀਆਂ ਅਤੇ ਫ਼ਲਾਂ ਦੀ ਵਰਤੋ ਦਾ ਸੱਦਾ ਦਿਤਾ। ਇਸ ਮੌਕੇ ਭਾਰਤੀ ਜਨਤਾ ਪਾਰਟੀ ਦੇ ਯੁਵਾ ਮੋਰਚੇ ਦੀ ਕਾਰਜਕਾਰਨੀ ਦੇ ਮੈਬਰ ਐਡਵੋਕੇਟ ਸੁਖਵਿੰਦਰ ਸਿੰਘ ਸੁੱਖੀ, ਸਾਬਕਾ ਸਰਪੰਚ ਹਰਨੇਕ ਸਿੰਘ ਸ਼ੇਰਪੁਰ ਮਾਜਰਾ, ਕੁਲਵੰਤ ਕੌਰ, ਵਿਸ਼ਾਲ ਵਾਲੀਆ ਅਤੇ ਰਣਵੀਰ ਸਿੰਘ ਟੋਨੀ ਆਦਿ ਹਾਜ਼ਰ ਸਨ।
*ਫੋਟੋ ਕੈਪਸ਼ਨ: ਵੈਦ ਗੁਨਜਨ ਮਿਸ਼ਰਾ, ਡਾ. ਰਘਬੀਰ ਸੁਕਲਾ ਅਤੇ ਡਾ. ਸਸ਼ੀ ਸੁਕਲਾ ਮਰੀਜ਼ਾਂ ਦਾ ਚੈਕਅੱਪ ਕਰਦੇ ਹੋਏ।*
About the Author
